DÍA DO LIBRO

O 20 de Abril celebramos nas escolas o Día do Libro, este ano tivemos a visita de Montse e Jose que cociñaron contos para o alumnado do C.R.A.
Tamén recibimos unha visita moi especial. As mamás da ANPA trouxéronnos un agasallo para o centro e unha pranta para cada neno e nena.

Moitas grazas por este día tan especial.

Sempre lendo contos

ALIMÉNTATE BEN - TRABALLO DOS MARISCADORES

Na escola de Ribadumia recibimos a visita de Lucía, unha mariscadora que nos ensinou moitísimo sobre a vida, características dos bivalvos, moluscos, ... que podemos atopar no mar. Con que ferramentas traballan...

O SABOR DA AVENTURA ESTÁ NO MAR

Estamos traballando dentro do Plan Proxecta - A Aventura está no Mar. Por iso, aproveitamos os coñecementos do noso alumnado sobre o tema.

Lucía e Breixo, trouxeron ao cole varias especies de seres vivos que se poden atopar no mar.

SAÍDA Á AFUNDACIÓN

O 22 de Abril desprazámonos ata a Afundación en Pontevedra para poder disfrutar da actividade musical de Mamá Cabra co seu espectáculo "15 Primaveras".

Despois de merendar cruzamos a rúa ata o CAFÉ MODERNO, no que a través dunha visita e un obradoiro "Arquitecturas Emocionais" o alumnado experimentou con diferentes materiais e texturas.

SAÍDA AO SALÓN DO LIBRO E O MUSEO DE PONTEVEDRA

Este mes de Abril desprazámonos ata o Pazo da Cultura en Pontevedra realizando unha visita pedagóxica na que disfrutamos dun contacontos, vimos os traballos presentados na exposición deste ano Canta Bichería!!.

PLAN PROXECTA - PONLLE AS PILAS AO TEU BOCATA

Este curso estamos facendo moito fincapé na alimentación. Por iso, todos os alimentos son importantes pero entre eles imos resaltar os  BOCATAS. No noso centro o MARTES todos os nenos e nenas deben traer esta merenda. Adoitan variar de semana a semana.

CUMPREANOS DE CARLA E MENCÍA

No mes de Marzo Carla cumpriu 6 anos e Mencía 4. Celebrámolo na escola de Ribadumia con unha festa chea de torta de chocolate, lambetadas.

Aquí podemos ver o bo reposteiras que son.