MISTURAS

En Ribadumia, fixemos misturas para comprender porque ás veces nos poden facer dano certos alimentos ou bebidas que tomamos cando as misturamos con outros alimentos ou elementos.

Ás veces, cando comemos misturamos lambetadas con refrescos, con este experimento comprobamos como certos doces (caramelos, gominolas...) reacionan cos gases dos refrescos.

O mesmo que pasa nesta actividade, sucede dentro do noso organismo cando os consumimos xuntos.

Para facelo, necesitamos:

- 1 botella grande de Coca Cola

- Mentos de Menta.

Abrimos a botella de refresco e engadimos o paquete dese doce e sae todo o gas da botella.

COMO INCHAR UN GLOBO SEN SOPRAR

O venres pasado descubrimos en Ribadumia como inchar un globo sen soprar.
Para facelo precisamos:

- 1 botella pequena transparente.
- Bicarbonato.
- 1 globo.
- Vinagre.
Ponse o bicarbonato dentro do globo con axuda dun funil, despois engadimos o vinagre na botella e colócase o globo no bico da botella e deslízase o bicarbonato dentro da botella e....

MITOLOXÍA

Durante os meses de outubro e metade de novembro na Biblioteca de Leiro, tivemos o recuncho da Mitoloxía, no que despois da visita de Heitor Picallo ao noso centro; colocamos a ilustración que elaborou nesa visita para o C.R.A.

DENSIDADE

O xoves 16 realizamos na biblioteca en Leiro un experimento sobre a densidade dos alimentos.

Para realizar esta actividade, precisamos:

- Dúas mandarinas.
- Auga.
- Botella ancha con moita auga.

Primeiro engadimos a mandarina con pel na auga e observamos o que sucede. Despois quitamos a pel da outra mandarina e engadímola na auga (que sucede?), sacámola e engadimos a mandarina sen pel (flota, non flota?).

Despois de observar cada acción anterior por separado, repetímolo engadíndo na auga todos os elementos anterior.

Mirade, mirade que pasou...

TORRE DE AZUCRE E COLORANTE

Como cada xoves que asistimos a biblioteca de Leiro experimentamos con diferentes elementos e alimentos. Este xoves 16 imos a aprender que é unha disolución.

Neste experimento empregamos:

- Cadradiños de azucre.

- Auga.

- Colorante de cores.

Os alumnos colocan unha torre de azucre, engadimos auga con colorante e.... sube, sube, sube o colorante pola torre. Ata que se desfai porque o azucre se disolve coa auga con colorante.

Mirade, mirade...

LÁMPADA DE LAVA

O pasado venres 10 de novembro, na escola de Ribadumia; Laura realizou experimentos connosco.

Elaborou lámpadas de lava.

Para facelas, colocou a mesma cantidade de auga en 3 botes diferentes, engadeu aceite e  1 cor diferente de colorante en cada un deles.

Pouco a pouco o colorante atravesou o aceite e chegou ao fondo.

A continuación, engadeu unha pastilla efesvercente en cada bote e......

A PEMENTA ESCAPA

Nesta actividade de ciencia observamos as reacións químicas de unha especie alimentaria como a pementa (branca ou negra) cando a xuntamos con xabón lavapratos.

É moi moi sinxelo.

Necesitamos:

- 1 prato.

- Pementa branca ou negra.

- Auga.

-1 gota de lavapratos.

Bótase a auga no prato, despois engádese a pementa e a continuación poñemos unha gota de lavapratos e .... mirade que pasou.