VOLUNTARIADO MIÚDO

O pasado mes de decembro, asistimos á Cidade da Cultura en Santiago de Compostela para a presentación da Guía sobre voluntariado dos Bolechas.

Durante este tempo estivemos traballando no voluntariado dende o nosas aulas: recollendo tapóns, xoguetes, roupa...

Hai alumnado da escola que colaboran xunto coas súas familias en Solidaridade co Sahara.... e quixemos repartir as guías e os carnets de voluntarios e voluntarias para as casas e proseguir con esta labor nas súas casas cos seus proxenitores.

Axudar é moi divertido e sobre todo necesario.

DÍA DA PAZ

O día 30 de xaneiro, celebramos nas aulas o Día da Paz (da non violencia). Durante toda a semana o alumnado realizou diferentes actividades relacionadas con este tema.

Estas semanas disfrutamos da canción "Las vocales de la Paz".

EMOCIÓNS COA FUNDACIÓN MENIÑOS

Durante este curso, traballamos as emocións, os sentimentos, a autoestima... a través da Fundación Meniños. 

O dragón enfadouse moito, moito e ocurríronlle moitas situacións novas por non saber controlar as súas emocións.

O alumnado da nosa aula, elaborou a estrela do seu estado anímico e reflexionamos sobre as emocións negativas e como resolvelas.

CELEBRACIÓN DE NADAL

O pasado 21 de decembro celebramos a chegada do Nadal no auditorio de Ribadumia.

Durante as primeiras horas da mañá o alumnado realizou obradoiros: contacontos, visionado de vídeos de nadal, actividade plástica.

Despois destas actividades, precisabamos un descanso. Ás 11 da mañá xa se incorporaron as familias a esta celebración; para disfrutar da merenda.

Ao remate da mesma, seguimos coa celebración. Chegaron as actuacións... 

Chegou o momento de KID`S & US.

Ao remate da visita de Papá e Mamá Noel, tocoulles actuar ao noso alumnado.

Nesta ocasión a panxoliña "Na casa da miña avoa".

Para rematar a mañá tivemos unha visita dende o Courel, veu o Apalpador.

Grazas a todos os que fixestes posible esta celebración pola vosa colaboración.

CONCURSO POSTAIS DE NADAL DO CONCELLO DE RIBADUMIA

Este Nadal dende a aula de Ribadumia A, participamos no concurso de postais de Nadal celebrado no concello de Ribadumia.

Aquí están as que elaboraron para este concurso.

Tamén darlle os parabéns a Alex da escola de Sisán, por ser o gañador deste concurso na categoría de Educación Infantil.

MÚSICA CON CUENCOS TIBETANOS

O pasado 20 de decembro, recibimos na escola de Ribadumia unha visita moi especial, Mercedes; amiga de Alba (alumna da nosa escola).

Trouxo instrumentos musicais moi especiais, cuencos tibetanos.

Emiten sons relaxantes, especiais, vibrantes... que nos encantaron.

AQUÍ vos deixamos un enlace con máis información sobre estes instrumentos musicais.

Moitas grazas por esta actividade tan especial.

RECOLLIDA DE XOGUETES POLA FUNDACIÓN AMIGOS DE GALICIA

Dende o 17 de novembro ata o 18 de decembro as familias do nosa aula estivo colaborando coa campaña da Fundación Amigos de Galicia para que ningún neno quede sen xoguetes en Nadal.

Dende a escola dámosvos as grazas pola vosa colaboración para agasallar ilusión aos nenos e nenas que o precisan.

BO NADAL!!!