sábado, 30 de junio de 2018

MATERIAL COMPLEMENTARIO PARA O VINDEIRO CURSO.



CELEBRACIÓN DE FIN DE CURSO

O 21 de Xuño celebramos o fin de curso en Sisán.
Durante a primeira parte da mañá tivemos a colaboración de KID`S&US, para agasallarnos cun contacontos en inglés "Under the sea".



Para descansar un pouco, saímos ao patio e recobramos forzas coa rica merenda que trouxeron as familias.
As familias incorporáronse á celebración.
Agora toca comezar de novo as actividades, o mago Xocas xa está preparado no Pavillón.
Que ben o pasamos, moitas grazas á Anpa por esta actividade tan divertida e máxica.
A escola de Ribadumia participou coa canción de Mamá Cabra "A miña tía".
Despois do remate das actuacións de todas as aulas a escola de Ribadumia tíña unha bonita sorpresa, a canción de Soraya "Que bonito".

Dende setembro de 2011 estiven destinada no C.R.A. de Ribadumia, era unha etapa profesional nova para min da que hoxe teño que dicir que me fixo medrar como profesional pero sobre todo como persoa.
Grazas por esta sorpresa repleta de cariño.
Recibín un cariño e colaboración enorme de toda a comunidade educativa, dende os/as mestres/as de todos estes anos, do alumnado, das familias (moitas delas varios anos seguidos), da ANPA, do concello, de fundacións e outras institucións que colaboraron co noso centro..... que sen eles a miña labor profesional non sería a mesma.
Agora en Xuño de 2018 remata a miña etapa profesional neste marabilloso centro educativo, que tanto traballa pola ensinanza de Educación Infantil no Concello de Ribadumia.


Antes referinme a todos os mestres do C.R.A. pero en especial teño que darlle GRAZAS a Marta por aportarme tanto en estes 7 anos, á miña compañeira de todos os días, que tanto me ensinou a traballar no C.R.A. un mundo novo para min.
Esta foto é a realidade dunha escola de dúas aulas que neste momento non se sabe quen é de cada mestra nin de cada aula, somos un EQUIPO. 

Para ver máis fotos da celebración preme, AQUÍ





CUMPREANOS DE VERÁN.

No meses de verán cumprirán anos Iago e Brian, por iso quixemos celebralo todos xuntos antes de rematar a escola.

Foron uns reporteiros espectaculares.




Foi unha celebración estupenda.
Parabéns aos dous.

CONTACONTOS: LIMÓN

Na escola de Ribadumia tivemos un contacontos moi especial, coa axuda da profe Marta.
O conto de Limón (ilustrado por Óscar Villán) gustounos moito. Ademáis no seu interior está baseado nunhas froitas moi ricas.
Por iso, nos gustou moito este contacontos.


Despois de contar o conto, que facer con limón, limón; unha deliciosa limonada.

Receita:
- Zume de limón.
- Auga.
- Unha culler de azucre.
Foi unha limonada fresquiña e deliciosa rematouse rapidiño.

Pero como di o conto limón, con fresas e cereixas.
Tamén nos gustaron, en Ribadumia estes nenos comen moi sano.

jueves, 7 de junio de 2018

VOLUNTARIADO MIÚDO.

Dende o día 23 de maio no C.R.A. abrimos a campaña de recollida de roupa e calzado para os máis necesitados.

XORNADA DE CONVIVENCIA CO CPI JULIA BECERRA MALVAR

O luns 4 de xuño, o alumnado de 5 anos do C.R.A. visitaron o CPI Julia Becerra Malvar.
O alumnado debía comezar a xornada na parada do autobús máis preto da súa escola.

Unha vez alí, o alumnado visitou a aula de infantil de 5 anos do CPI para elaborar os grupos.


Despois visitaron as aulas de primaria e a de música.

Para rematar o día un contacontos en inglés coa colaboración de KID`S &US.


VISITA AO SEMENTEIRO EN RIBADUMIA

O mércores 30 de maio, visitamos o Sementeiro da familia de Lía en Ribadumia.
Está situado a poucos metros da nosa escola.

Aprendemos moito sobre as sementes e as prantas.
Comezamos vendo como se sementa centos de prantas á vez, en moi pouco tempo.

Despois visitamos o invernadoiro onde medran todas esas prantiñas.
Visitamos outro invernadoiro pero de cultivo ecolóxico.

Para rematar, agasallaronnos cunha col e unha leituga para cada neno/a.
Moitísimas grazas por esta fermosa visita.