FESTA DE ENTROIDO

O venres 24 de febreiro no Auditorio de Ribadumia celebramos a festa de entroido.

Ao chegar comezamos todos xuntos con cancións superdivertidas.

Na primeira parte da mañá coa colaboraciçon da Consellería do Mar, chegou ao auditorio Luis o Pescador para explicarlle ao alumnado a importancia do peixe e do coidado dos medios acuáticos para non contaminalos.

Tamén como se cociñan os peixes e o alumnado pescou tamén con eles.

Rematado o obradoiro, comezaron a chegar as familias; para degustar a merenda tan deliciosa que nos trouxeron os nenos e nenas de 3 anos (filloas, orellas, flores....).

Xa temos folgos para comezar a festa. A disfrazarse..... e de paseo polas rúas.

Despois de rematar, agradecerlle a todos e todas os que  fixeron posible esta celebración, ás familias, á ANPA e tamén ao concello pola súa gran colaboración.